បេក្ខភាពប្រធានក្លឹបថ្មីរបស់ Barcelona លោក Emili Rousaud បាននិយាយកាលពីពេលកន្លងទៅនេះថា Lionel Messi នឹងត្រូវចាកចេញពី Camp Nou ប្រសិនគេមិនព្រមកាត់បន្ថយថ្លៃពលកម្ម ក្នុងស្ថានភាពវិបត្តិសេដ្ឋកិច្ចដែលក្លឹបជួបប្រទះពេលនេះ។
កុងត្រារបស់កីឡាករអាហ្សង់ទីននឹងត្រូវផុតនៅបញ្ចប់រដូវកាលឆ្នាំ ២០២១ ហើយចាប់ពីថ្ងៃទី ១ មករាខាងមុខនេះទៅ M10 អាចចរចាជាមួយភាគីក្លឹបដទៃបានហើយ ប្រសិនគេមិនចង់នៅ Barcelona។
ប្រាប់សារព័ត៌មាន ARA លោក Rousaud និយាយថា៖ “យើងនឹងអង្គុយជជែកគ្នាជាមួយ Messi ដោយសួរនាំគាត់អំពីការកាត់ប្រាក់ឈ្នួ ហើយពេលនេះស្ថានភាពវាមិននឹងននោះទេ”។
លោកបន្ថែមទៀតថា៖ “យើងនឹងស្នើឲ្យគេព្រមលះបង់រឿងថ្លៃពលកម្មហ្នឹងមួយផ្នែក ហើយប្រសិនមិនព្រមទេនោះ អ៊ីចឹង Messi មានតែផ្លូវចាកចេញហើយ”៕ ប្រភព៖ Marca