ក្រុម Real Madrid បានយកឈ្នះលើក្រុម Atletico Madrid បានក្នុងលទ្ធផល ២-០ សម្រាប់ការប្រកួតពានរង្វាន់ La Liga នៅយប់មិញនេះ។
វាជាការប្រកួតល្អបំផុតសម្រាប់ក្រុម Real Madrid នាប៉ុន្មានថ្ងៃមកនេះ បន្ទាប់ពីបានយកឈ្នះលើក្រុម Sevilla , Borussia Monchengladbach ហើយនិងឈ្នះ AT Madrid ថែមទៀត។ ដោយប៉ុន្មានប្រកួតមកនេះ ជាពិសេសទល់ AT Madrid គឺក្រុមរបស់លោក Zidane ធ្វើបានល្អនិងគ្រប់គ្រងការប្រកួតបានតែម្ដង ពោលគឺតំបន់បម្រើចែកបាល់បានស្អាតខ្លាំងណាស់។
Zidane បាននិយាយក្រោយចប់ការប្រកួតថា៖ “យើងបានបំបែកទម្រង់របស់ពួកគេដើម្បីអាចលេងទៅមុខបាន។ យើងបានធ្វើវា ហើយវាជាការផ្លាស់ប្ដូរកីឡាករយ៉ាងលឿន ដើម្បីស្វែងរកចន្លោះ។ Modric និង Kroos ពិតជាអស្ចារ្យ។ ពួកគេធ្វើបានល្អណាស់នៅតំបន់បម្រើ។ គ្រប់គ្នាសុទ្ធតែធ្វើបានល្អសម្រាប់ការប្រកួតមួយនេះ”៕ប្រភព Marca