លោក Arteta អ្នកចាត់ការក្រុម Arsenal បានអះអាងថាក្រុមរបស់លោកគួរតែចាប់ផ្ដើមលេងឱ្យល្អវិញហើយនៅ Premier League ក្រោយពីបរាជ័យប៉ុន្មានប្រកួតមកនេះ។
កាំភ្លើងធំនៅយប់មិញនេះ បានយកឈ្នះលើក្រុម Dundalk ក្នុងលទ្ធផល ៤-២ សម្រាប់ការប្រកួតពានរង្វាន់ Europa League វគ្គសន្សំពិន្ទុ។ ក្នុងវគ្គសន្សំពិន្ទុក្រុមរបស់លោក Arteta លេង៦ប្រកួតឈ្នះទាំង៦ប្រកួតតែម្ដង និងស្វែងរកគ្រាប់បាល់បានច្រើនណាស់។ ដោយសារតែមើលឃើញទម្រង់លេងល្អនៅ Europa League នេះហើយ ទើបបានជាធ្វើឱ្យអ្នកចាត់ការក្រុមរូបនេះយល់ថាល្មមដល់ពេលដែលត្រូវលេងល្អក្នុងលីគដែរហើយ។
អ្នកចាត់ការវ័យក្មេងខាងលើនេះក៏យល់ស្របជាមួយអ្នកគាំទ្រដែលមិនពេញចិត្តលទ្ធផលនៅប៉ុន្មានប្រកួតនេះដែរ។ លោក និយាយថា៖ “ខ្ញុំជាគ្រូម្នាក់ លទ្ធផលបរាជ័យមិនមែនជាអ្វីដែលចង់បាននោះទេ។ យើងលេងបានល្អក្នុងពានរង្វាន់នេះ ដូច្នេះវាល្មមដល់ពេលយើងលេងល្អក្នុងលីគវិញហើយ”៕ប្រភព Goal