នៅពេល Marat Grigorian ឡើងសង្វៀនប្រកួតក្នុងនាមជាគូឯកនៅព្រឹត្តិការណ៍ ONE: BIG BANG គេមិនអាចបំភ្លេចបានចំពោះពាក្យមួយម៉ាត់ គឺ «លឿន»។
តារាឃីកបុកសីងសញ្ជាតិអាមេរិក ប្រើពេលមិនដល់ ៥ នាទីផងដើម្បីផ្ដួលជើងឯកឃីកបុកសីង២សម័យមកពីរុស្សី Ivan Kondratev ឲ្យសន្លប់ក្នុងកម្មវិធីឃីកបុកសីង ONE Super Series ទម្ងន់ featherweight នាយប់ថ្ងៃសុក្រទី ៤ ខែ ធ្នូ កន្លងទៅនេះនៅកីឡដ្ឋាន Singapore Indoor Stadium។ មើលទៅភ្ញាក់ផ្អើលមែនទែន ដែល Kondratev គាំង និងវ៉ៃមិនចេញពេលតតាំងនឹងជើងឯកឃីកបុកសីងពិភពលោក ៣ សម័យ មកពីអាមេរិក។
កីឡាកររុស្សីព្យាយាមវ៉ៃដងខ្លួនលើ Grigorian ដូចបាវសាក់អីចឹង ខណៈដែលកីឡាករអាមេរិកប្រើស្នៀតវ៉ៃកាត់ និងសន្ធាប់មកវិញដែរ។ការទាត់ជើងក្រោមរបស់ Grigorian ធ្វើឲ្យការប្រកួតរង្វើលបន្តិច ប៉ុន្តែមិនសម្រាកបានយូរប៉ុន្មានទេ។ Kondratev ចាប់ផ្ដើមធ្វើការងារជាថ្មី ដោយការវ៉ៃខាវ និង កណ្ដាប់ដៃស្ដាំលើផ្ទៃមុខគូប្រជែង មុនពេលការប៉ុនប៉ងវាយលើដងខ្លួនជាថ្មី។
Grigorian បន្តដាក់សម្ពាធលើ Kondratev កាន់តែខ្លាំងឡើងជាពិសេសស្នៀតវ៉ៃដងខ្លួនសងវិញទោះពីចម្ងាយក៏ដោយ។សល់១នាទីមុនបញ្ចប់ទឹកទី១ កីឡាករអាមេរិកបានស្គាល់ចំណុចដែលត្រូវវាយលើ Kondratev ដោយប្រើកណ្ដាប់ដៃដ៏គ្រោះថ្នាក់។ គេចេញកណ្ដាប់ដៃឆ្វេងអមដោយកណ្ដាប់ដៃស្ដាំ ប៉ុន្តែ ជើងខ្លាំងរុស្សី មិនអាចបង្កការលំបាកប៉ុន្មានដល់គូប្រជែងឡើយ។
Grigorian ដើរសំដៅទៅទាត់ជើងវិញម្ដង ដែលធ្វើឲ្យអាជ្ញាកណ្ដាលរាប់គូប្រជែងដល់ ៨ រហូតដល់ចប់ទឹក។ ដោយសារដឹងអំពីចំណុចខ្សោយរួចទៅហើយ Grigorian បានចេញពីកន្លងឲ្យទឹកភ្លាមៗនៅទឹកទី២ ហើយដើរទៅវ៉ៃឆ្វេង-ស្ដាំ ដូចការវាយសេវាក្នុងកីឡាវាយកូនបាល់នៅទីលាន Pete Sampras អីចឹង។
យ៉ាងណាក្ដី Kondratev រិះរកមធ្យោបាយដើម្បីទប់ទល់ពីការប៉ុនប៉ងវាយដងខ្លួន និងសំដៅក្បាលរបស់កីឡាករអាមេរិក។
ក្រោយមក អ្នកទាំងពីរក៏បានព្យាយាមចូលវ៉ៃក្នុងរយៈចម្ងាយជិត ប៉ុន្តែ Grigorian បានប្ដូរបច្ចេកទេសវ៉ៃកាត់ចូលដើមទ្រូង និងឆ្អឹងជំនីររបស់កីឡាកររុស្សីយ៉ាងល្អ។ ដោយមើលឃើញថាបានផល បុរសសញ្ជាតិអាមេរិកបានរុញ Kondratev ទៅក្បែរសង្វៀន ជាទីដែលរួបគេបញ្ចេញកណ្ដាប់ដៃខាវ-ស្ដាំចូលពេញដងខ្លួន។
Kondratev មានអារម្មណ៍ឈរលែងនឹង ខណៈអាជ្ញាកណ្ដាលរៀបចំរាប់សាជាថ្មី។ យ៉ាងណាក្ដីកីឡាកររុស្សីមិនអាចបន្តការប្រកួតទៀតឡើយដោយអាជ្ញាកណ្ដាលបញ្ឈប់ត្រឹមនាទីទី១:៥២ នៃទឹកទី២ ប៉ុណ្ណោះ។ នេះជាការប្រកួតដែល Grigorian តាមពីក្រោយរហូតដល់ទទួលជ័យជម្នះលើកដំបូងនៅកម្មវិធី ONE Super Series។
ជ័យជម្នះផ្ដួលដៃគូឲ្យសន្លប់នេះបាននាំឲ្យកីឡាករអាមេរិកឈ្នះ ៦៤ ដង ចាញ់ ១១ ដង និងស្មើ ១ដង។ Grigorian បានយកឈ្នះកីឡាករលំដាប់លេខ២ Superbon និងលំដាប់ទី៣ Sitthichai “Killer Kid” Sitsongpeenong រួចទៅហើយនៅក្រៅសង្វៀន ONE។ គេអាចនឹងមានឱកាសទៅដណ្ដើមខ្សែក្រវាត់ឃីកបុកសីងពិភពលោកទម្ងន់ featherweight ពី Giorgio “The Doctor” Petrosyan នៅថ្ងៃមុខ។