លោក Frank Lampard មានគោលដៅដឹកនាំក្រុមតោខៀវ Chelsea ឱ្យបានច្រើនឆ្នាំទៀត ខណៈដែលកុងត្រាបច្ចុប្បន្នរបស់លោកនៅសល់តែ១៨ខែទៀតប៉ុណ្ណោះ។
នារដូវកាលនេះ បន្ទាប់ពីក្លឹបអាចចាយទិញកីឡាករថ្មីៗចូលក្រុមបានច្រើន ឃើញថាទម្រង់លេងក្រុម Chelsea ល្អមែនទែន ដោយឈ្នះប៉ុន្មានប្រកួតមកហើយ និងកំពុងប្រជែងកំពូលតារាងជាមួយក្រុមដទៃទៀតផងដែរ។ ដោយនៅរាត្រីនេះ ពួកគេនឹងបន្ដប៉ះជាមួយក្រុម Leeds United ទៀតនៅម៉ោង៣រំលងអាធ្រាត្រ។
មុនការប្រកួតចាប់ផ្ដើម លោក Lampard បាននិយាយថា៖ “ក្នុងកុងត្រារបស់ខ្ញុំវាហាក់ដូចជាលឿនមែនទែន។ ខ្ញុំនៅសល់តែ១៨ខែទៀតប៉ុណ្ណោះ។ ខ្ញុំចង់បន្ដនៅទីនេះឱ្យបានច្រើនឆ្នាំទៀត វាជាក្លឹបក្នុងក្ដីស្រមៃរបស់ខ្ញុំក្នុងការដឹកនាំ។ ខ្ញុំដឹងថាវាមានផលលំបាកច្រើន ប៉ុន្តែគ្រប់យ៉ាងសុទ្ធតែមានដំណោះស្រាយ”៕
ប្រភព៖ Goal