Atletico Madrid បានត្រឹមលទ្ធផលស្មើ ១-១ ទល់ក្លឹប Bayern Munich នៅការប្រកួតជុំទី ៥ ក្នុងឯទឹកដីប្រទេសអេស្ប៉ាញកាលពីយប់មិញ ដែលនេះបានធ្វើឲ្យអ្នកគាំទ្រកំពុងបារម្ភហើយចោទជាសំណួរថាតើក្រុមរបស់ពួកគេអាចមានឱកាសឡើងទៅកាន់វគ្គបន្ទាប់បានដែរឬយ៉ាងណា?
ពិតណាស់ ចម្លើយគឺបាន តែស៊ីសងលើជ័យជម្នះឬស្មើជាដាច់ខាត ទល់គូប្រកួតនៅជុំចុងក្រោយនោះគឺ RB Salzburg។ ក្រុមទាំងពីរនឹងត្រូវប៉ះគ្នានៅពាក់កណ្តាលសប្តាហ៍ក្រោយ ហើយគិតត្រឹមជុំទី ៥ Atletico មាន ៦ ពិន្ទុ ខណៈ Salzburg មាន ៤ ពិន្ទុ និង Lokomotiv មាន ៣ ពិន្ទុ (អស់ឱកាស) ហើយ Bayern បានកៅអីតាំងពីសប្តាហ៍មុន។
សម្រាប់លទ្ធផលចុងក្រោយគឺងាយនឹងកាត់សេចក្តីទេ ប្រសិនណាក្រុមដឹកនាំដោយលោក Diego Simeone យកបានតែ ១ ពិន្ទុយ៉ាងតូច ឬ ៣ ពិន្ទុធំបំផុត នោះគឺក្រុមនឹងបានឡើង តែបើចាញ់ ហើយផ្តល់ ៣ ពិន្ទុឲ្យទៅ Salzburg វិញ នោះក្រុមនឹងត្រូវធ្លាក់ទៅលេងនៅពានរង្វាន់ Europa League៕
ប្រភព៖ Goal