McManaman អតីតកីឡាករ Liverpool មើលឃើញថាខ្សែប្រយុទ្ធ Diogo Jota នៅមិនទាន់លេងបានល្អដូច Roberto Firmino នៅឡើយទេ នាពេលបច្ចុប្បន្ននេះ។
Jota ជាកីឡាករថ្មីដែលលោក Klopp ទើបទិញចូលនិងបានដាក់ឱ្យលេងជាញឹកញាប់ផងដែរ។ រូបគេតែងតែបង្ហាញទម្រង់លេងល្អ និងរកគ្រាប់បាល់ជួយក្រុមបន្ដបន្ទាប់ផងដែរនាប៉ុន្មានប្រកួតចុងក្រោយនេះ។ តែទោះជាយ៉ាងនេះក្ដី មានអ្នកវិភាគដែលជាអតីតកីឡាករហង្សក្រហមជឿជាក់ថា Jota នៅមានកម្រិតនៅឡើយ។
លោក McManaman បាននិយាយថាក្រុម Liverpool នឹងបន្ដទុកចិត្តលើ Firmino ជាង Jota ដដែល។ កីឡាករព័រទុយហ្គាល់ដែលទើបទិញចូលនេះ នឹងនៅតែជាកីឡាករស្ថិតក្រោមកម្រិត Salah , Mane និង Firmino។ លោក Klopp នារដូវកាលនេះ នឹងប្រើប្រាស់រូបគេត្រឹមជាកីឡាករបម្រុងប៉ុណ្ណោះ៕
ប្រភព៖ Goal