ស្ថានភាពរបស់ Gerard Pique បានចេញមកហើយ ដោយសម្រេចថាគេត្រូវខកខានការឈរជើងលើទីលានច្រើនជាង ៣ ខែ។
នៅការប្រកួតរវាងក្លឹប Atletico Madrid ក្លឹប Barcelona បានបាត់បង់កីឡាករសំខាន់ ៣ រូបក្នុងពេលប្រកួត រួមមានដូចជា Ousmane Dembele, Sergi Roberto និង Gerard Pique។ សម្រាប់ Robert ក៏របួសធ្ងន់គួរសម ដោយទាមទារពេលសម្រាកជាង ២ ខែឯណោះ។
ឆ្លើយតបនឹងបញ្ហានេះ Barcelona កំពុងត្រៀមបើកការប្រជុំជាបន្ទាន់ ដើម្បីពិភាក្សាជាមួយថ្នាក់លើជុំវិញការដោះស្រាយនៅប្រព័ន្ធការពារ ព្រោះតំបន់ការពារកណ្តាលនៅពេលបច្ចុប្បន្នមានតែ Clement Lenglet មួយប៉ុណ្ណោះ ដែលមានស្ថានភាពល្អធម្មតា ហើយក្លឹបក៏ទើបតែនាំយកយុវជន Ramos Mingo ឲ្យមកជួយសិនផងដែរ។
តាមរបាយការណ៍ពី Marca បានចុះផ្សាយថា ក្លឹបក៏អាចនឹងគិតគូរដល់ការនាំយកអ្នកថ្មីនៅទីផ្សារដោះដូររដូវរងា ឆ្នាំ ២០២១ ខាងមុខដែរ តែអ្វីដែលសំខាន់គឺបញ្ហាហិរញ្ញវត្ថុកំពុងប្រឈមចំពោះមុខ ដោះស្រាយមិនទាន់ចេញផងនោះ។
អ្នកមានបុណ្យកំពុងព្យាយាមសម្របសម្រួលរឿងថ្លៃពលកម្មជាមួយកីឡាករ ឥឡូវមកទទួលបន្ទុកដោយសារកីឡាករសំខាន់របួសថែមទៀត អ៊ីចឹងកញ្ចប់នៃការចំណាយគឺកាន់តែជាបញ្ហាក្រពុលមុខសម្រាប់ Barcelona ជាក់ជាមិនខាន៕ ប្រភព៖ BeSoccer