ក្លឹប FC Bayern Munich បានយកឈ្នះលើក្រុម Rottach Egern ក្នុងលទ្ធផល ២០-២ នាប្រកួតមិត្តភាពត្រៀមបើករដូវកាលថ្មីរបស់ខ្លួន។
Robert Lewandowski, Sandro Wagner, Maximilian Franzke និង Kingsley Coman សុទ្ធតែរកបាន៣គ្រាប់ដូចគ្នាក្នុងប្រកួតនេះ។ ស្របពេលកីឡាករ៦នាក់ផ្សេងទៀត រកបានម្នាក់១គ្រាប់ ក្នុងការប្រកួតសមជើងត្រៀមរដូវកាលថ្មីខាងមុខ។ ត្បិតតែស៊ីមិនប្រណីយ៉ាងនេះមែន ប៉ុន្តែក្រោយចប់ការប្រកួតនេះទៅ ក្រុមសងខាងបានថតរូបជុំគ្នា ដើម្បីទុកជាអនុស្សាវរីយ។
លោក Niko Kovač អ្នកចាត់ការថ្មីរបស់ក្រុម Bayern Munich បានដាក់កីឡាករជម្រើស១១នាក់ដំបូងល្អបំផុតលេងក្នុងប្រកួតមួយនេះ ក្នុងន័យជម្រើសយក១១នាក់ដែលល្អសម្រាប់រដូវកាលក្រោយ។ មួយវិញទៀត ពួកគេក៏ត្រូវលេងពានរង្វាន់បើករដូវកាល German Super Cup ទល់ក្រុម Eintracht Frankfurt នៅថ្ងៃអាទិត្យចុងសប្ដាហ៍នេះផងដែរ៕ប្រភព៖ DailyMail