លោក Luis Enrique គ្រូបង្វឹកក្រុមជម្រើសជាតិអេស្ប៉ាញ បានសរសើរក្រុមជម្រើសជាតិស្វីសថាជាក្រុមល្អមួយនៅអឺរ៉ុប មិនអាចមើលស្រាលបាននោះទេ។
ក្រុមអេស្ប៉ាញ នឹងត្រូវប្រកួតជាមួយក្រុមស្វីសនៅយប់នេះ សម្រាប់ការប្រកួតសន្សំពិន្ទុពានរង្វាន់ UEFA Nations League ។ អេស្ប៉ាញជាក្រុមកំពុងឈរនៅចំណាត់ថ្នាក់លេខ១ ស្របពេលក្រុមស្វីសវិញនៅបាតតារាង មិនទាន់ស្គាល់ជ័យជម្នះនៅឡើយទេ។ ត្បិតតែយ៉ាងនេះក្ដី លោកEnrique គ្រូបង្វឹកក្រុមជម្រើសជាតិអេស្ប៉ាញបញ្ជាក់ថាមិនអាចមើលស្រាលក្រុមស្វីសបានឡើយ។
អតីតអ្នកចាត់ការក្រុម FC Barcelona ខាងលើបាននិយាយថា៖ “ស្វីសជាក្រុមល្អមួយនៅអឺរ៉ុប ពួកគេលេងប្រយុទ្ធល្អ។ ពួកគេធ្វើការជាមួយគ្នាបានយ៉ាងច្រើន។ ខ្ញុំបានឃើញពួកគេប្រឹងប្រែងលេងណាស់នៅលើទីលាន ហើយពួកគេមិនមានចំណុចខ្សោយនោះទេ។ វានឹងក្លាយជាប្រកួតពិបាកមួយសម្រាប់យើងក្នុងការយកឈ្នះលើពួកគេ”៕
ប្រភព៖ Marca