រូបភាពមួយសន្លឹកដែលបង្ហាញពីការឈរកៀកស្មាគ្នារវាង Luka Modric និង Damagoj Vida កំពុងធ្វើឲ្យអ្នកគាំទ្រ ជាពិសេសគឺអ្នកចាត់ការក្លឹប Real Madrid ព្រួយបារម្ភជាខ្លាំង ព្រោះខ្លាចក្រែងខ្សែបម្រើ Modric ឆ្លងជំងឺ COVID-19 ម្នាក់ទៀត។
Vida បានចេញលទ្ធផលវិជ្ជមាន ក្រោយលេងបានមួយតង់នៅជំនួបមិត្តភាពទល់ក្រុមជម្រើសជាតិទួរគីកាលពីថ្ងៃមុន ហើយនេះបានធ្វើឲ្យមានការបារម្ភ សង្ស័យថាអាចឆ្លងដល់មិត្តរួមក្រុមក្រូអាតទាំងអស់ទៀតផង ជាពិសេសគឺ Modric ហ្នឹងតែម្តង ដែលបានថតមុនមួយម៉ោងក្រោយរកឃើញថាVida មានវិជ្ជមានផ្ទុកជំងឺ COVID-19។
បញ្ជាក់ថា កីឡាកររបស់ក្លឹប Real Madrid បច្ចុប្បន្នមាន ៣ រូបហើយដែលផ្ទុកជំងឺ COVID-19 ដូចជា Militao, Casemiro និង Hazard បែបនេះប្រសិនណាបាត់បង់ Modric ម្នាក់ទៀត តំបន់បម្រើប្រាកដជាកាន់តែចុះថយជាក់ជាមិនខាន៕
ប្រភព៖ BeSoccer