Lionel Messi នៅរដូវកាល ២០២០/២១ ត្បិតបើរកបាន ៤ គ្រាប់ហើយក្តី តែទាំង ៤ គ្រាប់នោះសុទ្ធតែជាបាល់ប៉េណាល់ទី ដែលលទ្ធផលនេះហាក់ធ្វើឲ្យអ្នកគាំទ្រមានការចម្លែកចិត្តជាខ្លាំង ព្រោះរដូវកាលមុនៗធ្លាប់តែសកម្មលើការរកគ្រាប់បាល់។
ដោយឡែកនៅរដូវកាលនេះ Top Scorer ឲ្យ Barcelona បែរជាយុវជន Ansu Fati ឯណោះវិញ ដោយនៅលីគគេរកបាន ៤ គ្រាប់ ហើយរាប់គ្រប់ការប្រកួត គឺមាន ៥ គ្រាប់។
ចំពោះកីឡាករអាហ្សង់ទីនដែលជាប្រធានក្រុមក៏ព្យាយាមស៊ុតមិនដកជើងដែរ តែមិនអាចសម្រេចទីបានដោយគិតជាស្ថិតិតាំងពីបើករដូវកាល គឺលោកស៊ុតចេញ ៤០ លើកហើយ ជាមធ្យមរៀងរាល់ការប្រកួតរមែងមាន ៤,៦ ជើងដែលស៊ុតចេញ។
ស្ថិតិដ៏អាក្រក់នេះ ក៏កាន់តែធ្វើឲ្យអ្នកគាំទ្រមានការព្រួយបារម្ភ បារម្ភខ្លាច M10 គិតរកផ្លូវចង់ចាកចេញ និងផ្ទេរទៅចូលរួមនៅ Manchester City ក្រោមការដឹកនាំរបស់គ្រូសំណព្វ Pep Guardiola នាឆ្នាំ ២០២១ ខាងមុខវិញ៕
ប្រភព៖ SportBible