ក្រុម Royal Antwerp របស់ប្រទេសបែលហ្សិកបានយកឈ្នះលើក្រុម Spurs បានក្នុងលទ្ធផល ១-០ សម្រាប់ការប្រកួតពានរង្វាន់ Europa League កាលពីយប់មិញនេះ។
ក្រុមរបស់លោក Jose បានដាក់កីឡាករជម្រើសទី២លេងក្នុងការប្រកួតតង់ទី១ ប៉ុន្តែបន្ទាប់ពីត្រូវក្រុម Royal រកបានគ្រាប់បាល់នាំមុខ១គ្រាប់មុនហើយ ទើបពួកគេបានដាក់កីឡាករពេញជើងវិញសម្រាប់ការប្រកួតតង់ទី២។ តែការប្រកួត៤៥នាទីចុងក្រោយនោះ គឺមិនមានអ្វីប្រែប្រួលឡើយ ពោលគឺក្រុម Spurs នៅតែបរាជ័យដដែលក្រោមថ្វីជើងក្រុមជើងខ្លាំងបែលហ្សិកនេះ។
Royal លេង២ប្រកួតមកនេះ ឈ្នះទាំងពីរប្រកួតតែម្ដង កំពុងឈរនៅកំពូលតារាង ស្របពេលក្រុម Spurs វិញ ធ្លាក់ទៅលេខ២បណ្ដោះអាសន្នសិន។ ការប្រកួតនៅក្នុងវគ្គសន្សំពិន្ទុនេះ នៅមានច្រើនប្រកួតទៀត៕ប្រភព Dailymail