ការធ្វើតេស្តរកមើលជំងឺ COVID-19 របស់កីឡាករឆ្នើម Cristiano Ronaldo នៅតែបង្ហាញលទ្ធផលវិជ្ជមានដដែល ដែលរុញឲ្យលោកត្រូវខកខានការចូលរួមប្រកួតនៅយប់រំលងអាធ្រាត្រឈានចូលថ្ងៃទី ២៩ តុលាសម្រាប់ការជួប Barcelona។
នេះជាការសោកស្តាយដ៏ខ្លាំងមួយសម្រាប់អ្នកគាំទ្រ ព្រោះតារាឆ្នើម Lionel Messi និង Cristiano Ronaldo ខានប៉ះគ្នាលើទីលានរយៈពេលជាង ២ ឆ្នាំកន្លះមកហើយ ប៉ុន្តែនៅឆ្នាំនេះក៏សល់ឱកាសមួយទៀតសម្រាប់ជើងទី ២ វគ្គចែកពូល ធ្វើឡើងនៅថ្ងៃទី ៩ ខែធ្នូ។
បញ្ជាក់ថា Barcelona ក៏ត្រូវអវត្តមានខ្សែការពារសំខាន់ Gerard Pique មួយរូបផងដែរ ក្រោយពីទទួលបានកាតលឿងនៅប្រកួតជុំទី ១។
ការប្រកួតរវាងក្រុមទាំងពីរនឹងមានផ្សាយផ្ទាល់លើទំព័រ CTS Sports វេលាម៉ោង ០៣:០០ នាទីរំលងអាធ្រាត្រ ដែលធ្វើការអធិប្បាយដោយ Admin G1!