ក្រុម Real Madrid នឹងត្រូវតតាំងជាមួយក្រុម Monchengladbach នៅម៉ោង៣រំលងអាធ្រាត្រនេះ សម្រាប់ការប្រកួតពានរង្វាន់ UEFA Champions League វគ្គសន្សំពិន្ទុក្នុងពូល។
ការប្រកួតក្នុងពានរង្វាន់ UEFA Champions League នេះ ក្រុម Real Madrid បានបើកឆាកកន្លងទៅ ចាញ់ក្រុម Shakhtar ក្នុងលទ្ធផល ៣-២ កាលពីសប្ដាហ៍មុននេះ។ ខណៈដែលការប្រកួតទី២នេះ ពួកគេនឹងប៉ះក្រុម Monchengladbach របស់អាល្លឺម៉ង់ម្ដង ដែលកំពុងឡើងជើងខ្លាំងមែនទែន។
សម្រាប់ការប្រកួតនៅរាត្រីនេះ ខ្សែបម្រើ Toni Kroos បាននិយាយថា៖ “យើងលេងមិនល្អ២ប្រកួតកន្លងមក មុនប៉ះ Barcelona ។ ប៉ះ Cadiz យើងលេងដោយកីឡាករម្នាក់ៗ លេងមិនដល់កម្រិតរបស់ខ្លួនឡើយ។ តែយ៉ាងនេះក្ដី យើងបានបង្ហាញការលេងយ៉ាងល្អឡើងវិញពេលប៉ះ Barcelona ។ ប្រកួតនៅរាត្រីនេះ យើងនឹងលេងឱ្យល្អជាងមុនទៀត ដើម្បីយកជ័យជម្នះ”៕
ប្រភព៖ Marca