ខ្សែបម្រើ Toni Kroos បានផ្តល់បទសម្ភាសន៍មុនដល់ការប្រកួត ទល់ Borussia Monchengladbach នៅយប់នេះ ដោយប្រាប់ពីស្ថានភាពរបស់ក្លឹប Real Madrid នារយៈពេលចុងក្រោយ បន្ទាប់ពីទើបយកឈ្នះ Barcelona ៣-១។
វាគឺពិតជាចម្ងល់មួយ ដែលគេឆ្ងល់ថា ហេតុអ្វីពេលប៉ះ Barcelona ក្លឹបស្តេចសលេងបានល្អយ៉ាងនេះ ហើយដូចប៉ះ Cadiz ក្រុមទើបប្រូម៉ូតឡើងអីជាដើម បែរជាចាញ់ទៅវិញ។
Kroos បាននិយាយអំពីរឿងនេះថា៖ “យើងលេងបានល្អច្រើនពេលប៉ះ Barcelona តែពេលប៉ះក្រុមតូចបែរជាបាត់បង់ពិន្ទុទៅវិញ ដោយនោះក៏ដោយសារតែកង្វះខាតនៃការបំផុសទឹកចិត្តក្នុងការប្រកួត”។
លោកបន្ត៖ “ពេលប៉ះ Cadiz ប្រសិនយើងនៅតែបន្តលេងបែបហ្នឹង កុំថាឡើយក្រុមនៅលីគលំដាប់ទី ៤ ក៏យើងចាញ់ដែរ ប៉ុន្តែពេលប៉ះ Shaktar មិនរាប់ថាជាក្រុមតូចទៀតទេ ព្រោះនៅ Champions League គ្មានក្រុមតូចឡើយ ហើយជាមួយបរាជ័យទាំងនោះពិតជាមានសម្ពាធសម្រាប់យើងខ្លាំងណាស់”៕ ប្រភព៖ Marca