កីឡាករ Bernardo Silva បាននិយាយកាលពីពេលថ្មីៗនេះថា លោកចង់ឃើញក្លឹបមេឃខៀវ Manchestser City ដាក់គោលដៅ លើការនាំយកយុវជនបារាំង Kylian Mbappe ចេញពីក្លឹប Paris Saint-Germain។
ខ្សែប្រយុទ្ធវ័យ ២១ ឆ្នាំរបស់ PSG នារដូវកាលនេះ រកបាន ៦ គ្រាប់ហើយ ដោយឡែកឈ្មោះរបស់គេក៏បន្តស្ថិតក្នុងចចាមអារ៉ាមពាក់ព័ន្ធនឹងការផ្ទេរទៅក្លឹបយក្សក្រៅតំបន់ មានដូចជា Real Madrid ជាដើមផងដែរ។
យ៉ាងណាមិញសម្រាប់ Silva នៅពេលដែលគេចោទសួរ អំពីកីឡាករបារាំងដែលលោកចង់បានឲ្យមកលេងនៅ City គេបានប្រាប់សារព័ត៌មាន L’Equipe ថា៖ “Kylian Mbappe គេគឺជាកីឡាករដ៏ពិសេសម្នាក់តាំងពីនៅ Monaco ហើយគ្រានៅទីនោះគេក៏ជាមិត្តភ័ក្ដិរបស់ខ្ញុំម្នាក់ដែរ អ៊ីចឹងបើយើងអាចទិញគេបាន នោះវាមិនជារឿងអាក្រក់ឡើយ”៕
ប្រភព៖ Goal