អ្នកចាត់ការលោក Mikel Arteta ត្រូវបានគេរាយការណ៍ថា បានដាក់គោលដៅធំលើការនាំយក Houssem Aouar នៅរដូវក្តៅកន្លងទៅ ពោល Thomas Partey ជារ៉ាដាបន្ទាប់តែប៉ុណ្ណោះ។
ប្រភពពី L’Equipe បានចុះផ្សាយ ក្លឹបកាំភ្លើងធំក៏សាកល្បងដាក់សំណើទៅក្លឹប Lyon ដែរ តែចរចាមិនត្រូវរ៉ូវពាក់ព័ន្ធនឹងតម្លៃខ្លួនរបស់គេ ហើយទើបថ្ងៃបញ្ចប់ទីផ្សារដោះដូរទម្លាក់លុយយក Partey មកជំនួសតែម្តង។
យ៉ាងណាមិញនេះមិនមានន័យថាពួកគេនឹងបោះបង់ត្រឹមហ្នឹងទេ ពោលគឺនៅខែមករាខាងមុខ Arsenal នឹងសាកល្បងចរចាសារជាថ្មី ក្នុងការនាំយក Aouar មកជួយពង្រឹងនៅតំបន់បម្រើរបស់ខ្លួន។
គួរបញ្ជាក់ថាចំណូលថ្មី Partey បានចូលរួមលេងឲ្យ Arsenal ៣ ប្រកួតហើយ រាប់ទាំងមួយប្រកួតនៅ Premier League ដែលក្លឹបរងបរាជ័យ ០-១ ក្រោមថ្វីជើងរបស់ Leicester City កន្លងទៅ៕ ប្រភព៖ Sportsmole