ក្រុម Manchester City របស់លោក Pep នឹងត្រូវលេងដោយអវត្តមានខ្សែប្រយុទ្ធសំខាន់ Sergio Aguero យ៉ាងតិច១ខែឯណោះ ដោយសារតែរងរបួសសរសៃពួរជាថ្មីម្ដងទៀត។
ក្រុមមេឃខៀវ នឹងត្រូវប្រកួតជាមួយក្រុមបារាំង Marseille នៅម៉ោង៣រំលងអាធ្រាត្រនេះ ក្នុងការប្រកួតពានរង្វាន់ UEFA Champions League វគ្គសន្សំពិន្ទុក្នុងពូល។ សម្រាប់ការប្រកួតនេះ Man City នឹងមិនមានខ្សែប្រយុទ្ធស្នូលឡើយ ដោយសារតែពួកគេកំពុងជួបវិបត្តិមិនមានខ្សែប្រយុទ្ធជម្រើសដំបូង ព្រោះរបួសអស់ហើយ។
ទាំង Jesus និង Liam Delap សុទ្ធតែអវត្តមានដូចគ្នា។ ដូច្នេះមានន័យថាលោក Pep ទំនងជានឹងប្រើកីឡាករនៅតំបន់បម្រើមកលេងឡើងប្រយុទ្ធជាក់ជាមិនខាន ដូចជា Riyad Mahrez ជាដើម។ កាលពីទីផ្សារដោះដូរកីឡាករកន្លងទៅ លោក Pep ក៏បានព្យាយាមទិញខ្សែប្រយុទ្ធមកបន្ថែមដែរ តែគួរឱ្យស្ដាយពួកគេមិនអាចសម្រេចគោលដៅបាន៕
ប្រភព៖ DailyMail