• Willian ​បង្ហើប​ក្ដី​ស្រមៃ​ចង់​ធ្វើ​ការ​ជាមួយ​លោក Jose Mourinho ​ម្ដង​ទៀត

    ខ្សែ​បម្រើ Willian  ​របស់​ក្រុម Chelsea ​បាន​បង្ហើប​ថា​រូបគេ​នៅ​តែ​មាន​ចិត្ត​ចង់​ធ្វើ​ការ​ជាមួយ​លោក Jose Mourinho ​ម្ដង​ទៀត​នៅ​ថ្ងៃ​ណា​មួយ ​ព្រោះ​ថា​អ្នក​ចាត់ការ​រូប​នេះ​គឺ​ល្អ​ជាង​គេ​លើ​លោក។

    កីឡាករ​ប្រេស៊ីល​ខាង​លើ​នេះ​ធ្លាប់​ធ្វើ​ការ​ក្រោម​ការ​ដឹក​នាំ​របស់​លោក Jose Mourinho ​អំឡុង​ពេល​ដឹក​នាំ​ក្រុម Chelsea ​ហើយ​ថែម​ទាំង​លើក​ពាន Premier League ​បាន​ថែម​ទៀត។ និយាយ​ក្នុង​កិច្ច​សម្ភាសន៍​មួយ ​Willian ​បាន​បញ្ជាក់​ថា​រូបគេ​ពិត​ជា​សរសើរ​ការ​ដឹក​នាំ​របស់​លោក​អ្នក​ចាត់ការ​សញ្ជាតិ​ព័រទុយហ្គាល់​ខ្លាំង​ណាស់។ រូបគេ ​និង Jose ​មាន​ទំនាក់​ទំនង​ល្អ ​ការ​យល់​ចិត្ត​ច្រើន ​ទើប​ធ្វើ​ឱ្យ​ការ​ធ្វើ​ការ​ជាមួយ​គ្នា​អំឡុង​ពេល​នៅ Chelsea ​បាន​ជោគជ័យ​។ នៅ​ថ្ងៃ​ណា​មួយ រូបគេ​រំពឹង​ថា​នឹង​បាន​ចូល​រួម​ជាមួយ​លោក Jose ​ម្ដង​ទៀត ប៉ុន្តែ​ពេល​នេះ​ខ្លួន​កំពុង​សប្បាយ​ចិត្ត​នៅ​ក្រុម​តោ​ខៀវ​នៅ​ឡើយ​ទេ។

    “Mourinho ​ជា​អ្នក​ចាត់ការ​ល្អ​ជាង​គេ ​ដែល​ខ្ញុំ​ធ្លាប់​ធ្វើ​ការ​ជាមួយ។ យើង​មាន​ទំនាក់ទំនង​ល្អ ​យើង​រាប់​អាន​គ្នា​ដូច​មិត្តភក្ដិ។ ជួន​កាល​យើង​ជជែក​គ្នា chat Messages ​ទៅ​គ្នា​ទៅ​វិញ​ទៅ​មក​តាម WhatsApp។ គាត់​ជា​អ្នក​ចាត់ការ​ល្អ ​ខ្ញុំ​សង្ឃឹម​ថា​ខ្ញុំ​អាច​ធ្វើ​ការ​ជាមួយ​គាត់​ម្ដង​ទៀត​នៅ​ពេល​ខាង​មុខ”។ សម្ដី​របស់​កីឡាករ​វ័យ​២៩​ឆ្នាំ​ខាង​លើ៕ប្រភព៖ DailyMail

     

     

     

     

    ភ្ជាប់ទំនាក់ទំនងជាមួយ CTS SPORT