មិនឱ្យអ្នកគាំទ្រខកចិត្តនោះទេ ក្រុម Bayern Munich នៅតែបង្ហាញទម្រង់លេងល្អរបស់ខ្លួនបានដដែល ដោយយកឈ្នះលើក្រុម Atletico Madrid ក្នុងលទ្ធផល ៤-០ ឯណោះក្នុងពានរង្វាន់ UEFA Champions League ។
ដំណើរការពារតំណែងជើងឯករបស់ Bayern Munich ហាក់ដូចជាមិនពិបាកនោះទេ បើទោះជាត្រូវប៉ះជាមួយក្រុមខ្លាំងខាងការពារ AT Madrid ក៏ដោយ។ ជាក់ស្ដែងនៅយប់មិញនេះ នៅត្រឹមតង់ទី១ ពួកគេអាចនាំមុខបានមុនដល់ទៅ២គ្រាប់ហើយ ដោយ Coman ១គ្រាប់ និង Goretzka ១គ្រាប់។ ឈានដល់តង់ទី២ ពួកគេថែមបាន២គ្រាប់ទៀត ដោយ Tolisso ១គ្រាប់ និង Coman ១គ្រាប់ទៀត។
ចប់ការប្រកួត Bayern Munich ឈរនៅលេខ១ក្នុងពូលA ដោយសារតែយកឈ្នះលើក្រុម AT Madrid បានក្នុងលទ្ធផល ៤-០។ ប្រកួតបន្ទាប់របស់ពួកគេនឹងប៉ះក្រុម Salzburg នៅថ្ងៃទី២៨ខាងមុខនេះ៕
ប្រភព៖ DailyMail