លោក Zidane បានអះអាងថាសមាជិកក្រុម Real Madrid លេងទល់ក្រុម Shakhtar Donetsk នៅយប់មិញនេះ ហាក់ដូចជាគ្មានទំនុកចិត្តអ្វីបន្តិចសោះឡើយ ទើបធ្វើឱ្យបរាជ័យ។
ក្រោយពីបរាជ័យក្រោមថ្វីជើងក្រុម Shakhtar Donetsk ក្នុងលទ្ធផល ៣-២ មក លោក Zidane បានចូលទៅនិយាយក្នុងបន្ទប់ផ្លាស់សំលៀកបំពាក់ជាច្រើននាទី មុនពេលត្រលប់ទៅចូលតុសន្និសីទកាសែត។ ក្នុងឱកាសនោះដែរ លោកបាននិយាយថាក្រុមទាំងមូលលេងដោយគ្មានទំនុកចិត្តលើខ្លួនឯង ទើបបានជាបរាជ័យបែបនេះ។
Zidane ថែមទាំងបញ្ជាក់ទៀតថា៖ “ខ្ញុំជឿជាក់ថាខ្ញុំនឹងអាចដោះស្រាយបញ្ហានេះបាន។ បរាជ័យ គ្រប់គ្នាសុទ្ធតែមិនសប្បាយចិត្ត ប៉ុន្តែអ្វីដែលត្រូវមើលទៅមុខទៀតគឺជាការប្រកួតទល់ក្រុម Barcelona ។ យើងត្រូវតែបញ្ចប់ភាពរញ៉េរញ៉ៃក្នុងក្រុមឱ្យបាន ទើបអាចទៅមុខបានទៀត”៕
ប្រភព៖ Marca