ក្រុម FC Barcelona បានយកឈ្នះក្រុមមិនសូវល្បី Ferencvaros បានក្នុងលទ្ធផលដល់ទៅ ៥-១ ឯណោះសម្រាប់ការប្រកួតពានរង្វាន់ UEFA Champions League ។
Messi បានបើកការនាំមុខបានមុនឱ្យក្រុម Barcelona ដោយបាល់ប៉េណាល់ទី មុនពេលកីឡាករវ័យក្មេងកំពុងឡើងជើង Ansu Fati បន្ថែមគ្រាប់បាល់ទី២បានសម្រេច។ ៣គ្រាប់ទៀត របស់ក្រុមអ្នកមានបុណ្យសម្រាប់ការប្រកួតនេះធ្វើបានដោយ Coutinho , Pedri និង Dembele ។
ដោយឡែកក្នុងការប្រកួតនេះដែរ Pique បានទទួលបានកាតក្រហម នៅនាទី៦៨ ក្រោយពីបង្កកំហុសលើក្រុម Ferencvaros ។ នេះបញ្ជាក់ការប្រកួតបន្ទាប់ទល់ក្រុម Juventus គឺខ្សែការពារឆ្នើមរូបនេះនឹងមិនមានវត្តមានលេងនោះទេ៕
ប្រភេព៖ DailyMail