ខ្សែការពារ Virgil van Dijk បានរងរបួសជង្គង់ធ្ងន់ធ្ងរ ដែលតម្រូវឱ្យវះកាត់ជាបន្ទាន់ ក្រោយពីប៉ះគ្នាជាមួយអ្នកចាំទី Pickford របស់ក្រុម Everton កាលពីពេលកន្លងទៅនេះ។
បើតាមក្លឹប Liverpool បានប្រកាស គឺ Van Dijk នឹងអាចសម្រាកពេញ១រដូវកាលនេះតែម្ដង ព្រោះរបួសជង្គង់នេះត្រូវការវះគាត់។ នេះជាសុបិនអាក្រក់មួយសម្រាប់ខ្សែការពារឆ្នើមរូបនេះហើយ ព្រោះរូបគេកំពុងលេងល្អ និងជួយក្រុម Liverpool បានច្រើនផង ស្រាប់តែមានរបួសមកញាំញីបែបនេះ។
ក្រុម Liverpool ក៏បានតវ៉ាចំពោះការកាត់សេចក្ដីដែលមិនពិន័យ Pickford ផងដែរ ចំពោះការបង្កកំហុសលើ Van Dijk នេះ។ លោក Klopp បានស្នើឱ្យក្រុមអ្នករៀបចំការប្រកួត ពិនិត្យឡើងវិញចំពោះការប្រើប្រាស់បច្ចេកវិទ្យា VAR ដែលត្រូវបានគេមើលឃើញថាមានចន្លោះប្រហោងច្រើន៕ប្រភព Dailymail