ខ្សែបម្រើ Virgil Van Dijk បានរងរបួសធ្ងន់ធ្ងរ បន្ទាប់ពីប៉ះគ្នាជាមួយអ្នកចាំទី Jordan Pickford កាលពីប្រកួត Everton ស្មើ Liverpool ក្នុងលទ្ធផល ២-២ នៅយប់មិញនេះ។Van Dijk ត្រូវអ្នកចាំទី Pickford ស្លាយគៀបជើងខ្លាំងមែនទែន រហូតដល់ត្រូវបញ្ជូនទៅកាន់មន្ទីរពេទ្យភ្លាមៗឯណោះ។
តែអាជ្ញាកណ្ដាលបានពនិត្យ VAR និងមិនបានពិន័យលើអ្នកចាំទីខាងលើនេះនោះទេ។ កត្តានេះហើយ បានធ្វើឱ្យ Liverpool មិនសប្បាយចិត្តជាមួយការសម្រេចចិត្តនេះឡើយ ព្រោះ Pickford បានបង្កកំហុសច្បាស់ណាស់។
ក្រុម Liverpool បានបង្ហើបថារបួសជង្គង់ខាងឆ្វេងរបស់ Van Dijk អាចនឹងធ្ងន់ធ្ងរខ្លាំងមែនទែន។ រូបគេនឹងត្រូវប្រើពេលជាច្រើនខែឯណោះដើម្បីព្យាបាលរបួសនេះ៕
ប្រភព៖ DailyMaily