Giorgio Chiellini មិត្តរួមទ្រនំនៅក្លឹប Juventus ជាមួយ Cristiano Ronaldo បានបង្ហើបពីស្ថានភាពរបស់ CR7 ក្រោយពីខ្លួនបានតេទាក់ទងគ្នាតាមរយៈទូរសព្ទ ពេល CR7 តេស្តឃើញមានផ្ទុកជំងឺ COVID-19។
បុរសវ័យ ៣៥ ឆ្នាំ បានខកខានចូលរួមការប្រកួតឲ្យជម្រើសជាតិព័រទុយហ្គាល់ ហើយទំនងជានឹងត្រូវស្ថិតនៅដាច់ដោយឡែករយៈពេល ១០ ទៅ ២១ ថ្ងៃ។ ក្រឡេកទៅមើលការលើកឡើងរបស់ Chiellini និយាយថា៖ “Ronaldo? ខ្ញុំបានខលទៅគាត់ គាត់មិនអីទេ ពេលខលនោះគាត់កំពុងតែដេកហាលខ្លួនក្រោមកម្តៅថ្ងៃ ដោយតាមពិតទៅយើងជាកីឡាករបាល់ទាត់ យើងដឹងពីហានិភ័យនោះហើយ ណាមួយយើងក៏បានត្រៀមលក្ខណៈរួចរាល់ដើម្បីបញ្ចៀសវាតាមដែលអាចទៅរួច”។
លោកបន្ថែមថា៖ “យើងមិនភ្ញាក់ផ្អើលនឹងករណីនេះទេ យើងនឹងបន្តឆ្ពោះទៅមុខ ព្រោះអ្នកដឹងស្រាប់ហើយបាល់ទាត់គឺពិតជាសំខាន់សម្រាប់មនុស្សរាល់គ្នា”។
បញ្ជាក់ថា ក្រុមព័រទុយហ្គាល់នៅប្រកួតពេលអវត្តមាន CR7 នៅការប៉ះស៊ុយអែតពួកគេនៅបន្តធ្វើបានល្អ តាមរយៈការយកឈ្នះ ៣-០ ឯណោះ៕ ប្រភព៖ Metro