កីឡាករអេស្ប៉ាញ Borja Mayoral បានបង្ហាញការជឿជាក់ថា អ្នកចាត់ការលោក Zinedine Zidane ចង់ឲ្យខ្លួនបន្តនៅ ហើយ Luka Jovic ឯណោះទេ ជាកីឡាករដែល Zidane ចង់ឲ្យចាកចេញ។
Mayoral បានចាប់ផ្តើមរដូវកាលជាមួយអ្នកចាត់ការបារាំងនៅរដូវកាល ២០១៧/១៨ ហើយក្រោយមកខ្ចីជើងទៅក្លឹប Levante ដោយរកបាន ១៤ គ្រាប់នៅ ៦៩ ប្រកួតសរុប។
នៅរយៈពេលចុងក្រោយនេះ រវាង Mayoral និង Jovic អាចនឹងមានមួយត្រូវចាកចេញ ព្រោះនៅតំបន់ប្រយុទ្ធកណ្តាលហាក់គរជើងខ្លាំង និងពួកគេមិនសូវជាលេចធ្លោខ្លាំងដូចគ្នា។ បញ្ជាក់ប្រាប់កំឡុងការខ្ចីជើងទៅក្លឹប Roma បុរសសញ្ជាតិអេស្ប៉ាញនិយាយ៖ “ក្រោយហាត់សមត្រៀមបើករដូវកាលជាមួយ Real Madrid ខ្ញុំបានចាកចេញពីក្លឹបយ៉ាងលឿន តែ Zidane គាត់ចង់ឲ្យខ្ញុំនៅ”។
Mayoral នៅ Roma
លោកបន្ថែម៖ “ខ្ញុំប្រាប់គាត់ថាខ្ញុំចេញដើម្បីទៅចាប់យកឱកាសបន្ថែមទៀត ហើយខ្ញុំគិតថាក្លឹបស្តាប់តាម Zidane បែបហ្នឹងហើយទើបក្លឹបចង់ដក Jovic ចេញជំនួសវិញ”។
បញ្ជាក់ថា Roma បានចាយ ២ លានអឺរ៉ូខ្ចីជើង Mayoral ដល់បញ្ចប់រដូវកាល ២០២០/២១ លើលក្ខខណ្ឌអាចមានសិទ្ធទិញផ្តាច់សម្រាប់រដូវកាលបន្តបន្ទាប់៕
ប្រភព៖ Goal