Griezmann បានបន្ដរកគ្រាប់បាល់ជួយក្រុមជម្រើសជាតិបារាំងបានទៀតហើយ ក្នុងការប្រកួតពានរង្វាន់ UEFA Nations League នៅយប់មិញនេះ។
បារាំងបានយកឈ្នះលើក្រុមក្រូអាតបានក្នុងលទ្ធផល ២-១ ។ ដោយ២គ្រាប់របស់បារាំងធ្វើបានសម្រេចពីសំណាក់កីឡាករ Griezmann ១គ្រាប់ និង Mbappe ១គ្រាប់។ នេះជាការប្រកួតដែល Griezmann ពេញចិត្តបំផុត ដោយសារតែរូបគេបានលេងនៅតំណែងខ្លួនស្រលាញ់ ពោលគឺប្រយុទ្ធកណ្ដាលខុសពីការលេងនៅ Barcelona ដែលរូបគេលេងស្លាប។
អតីតកីឡាករ AT Madrid ខាងលើនេះបាននិយាយថា៖ “គ្រូបង្វឹក Deschamps ដឹងច្បាស់កន្លែងដែលត្រូវដាក់ឱ្យខ្ញុំលេង។ ខ្ញុំពេញចិត្តការលេងនៅទីនេះ។ ខ្ញុំអាចបង្កើតឱកាសបានច្រើនក្នុងការលេងនៅ តំបន់កណ្ដាល នៅតំបន់នេះខ្ញុំមានទំនុកចិត្ដខ្ពស់ និងមានការជ្រោមជ្រែងពីមិត្តរួមក្រុមបន្ថែមទៀត ដើម្បីរកគ្រាប់បាល់”៕
ប្រភព៖ Goal