ក្រុមបាល់ទាត់ជម្រើសជាតិហុល្លង់លេងបានស្មើក្រុមខ្លាំងអ៊ីតាលី ១-១ ក្នុងការប្រកួតពានរង្វាន់ UEFA Nations League កាលពីយប់មិញនេះ។
សម្រាប់ការប្រកួតនេះដែរ អ៊ីតាលីរកបានគ្រាប់បាល់១គ្រាប់មុននៅនាទី១៦ ដោយ Pellegrini ប៉ុន្តែ១០នាទីក្រោយមកស្រាប់តែ Van de Beek រកបានគ្រាប់បាល់តាមស្មើវិញបានឱ្យហុល្លង់។ ក្រោយពីកើតមាន២គ្រាប់នេះហើយ ក្រុមទាំងពីរមិនអាចទម្លាយសំណាញ់ទីគ្នាទៀតបាននោះទេ ដោយបញ្ចប់ទៅក្នុងលទ្ធផល ១-១ ប៉ុណ្ណោះ។
ឆ្លងកាត់ការប្រកួតស្មើគ្នានេះ ក្រុមអ៊ីតាលីបានធ្លាក់មកលេខ២ក្នុងតារាងមាន៦ពិន្ទុ ខណៈដែលក្រុមលេខ១នោះគឺ ប៉ូឡូញ មាន៧ពិន្ទុ ឆ្លងកាត់៤ប្រកួតដូចគ្នា៕
ប្រភព៖ DailyMail