នៅការប្រកួតក្នុងក្របខ័ណ្ឌ MLS សម្រាប់ជំនួប Philadelphia និង Inter Miami បានបញ្ចប់ទៅ ក្រោមលទ្ធផល ៣-០ ដែលវាជាបរាជ័យធ្ងន់ធ្ងរមួយបន្ថែមទៀតសម្រាប់ក្រុមដែលដឹកនាំដោយប្រធានក្លឹបលោក David Beckham។
នៅជម្រើសដំបូង គេឃើញមាន Matuidi និង Hiuagin ដែលជាមិត្តរួមទ្រនំនៅ Juventus បានបង្ហាញខ្លួនជាលើកដំបូងឲ្យក្លឹប Miami ប៉ុន្តែមិនអាចជួយរកបានគ្រាប់បាល់ឬជ័យជម្នះអ្វីនោះទេ។ អ្វីដែលសោកស្តាយគឺសម្រាប់ Higuain ដែលនៅប្រកួតនោះគេខកខានការស៊ុតបាល់ប៉េណាល់ទីថែមទៀត។
នៅនាទី ៧៦ កីឡាករអាហ្សង់ទីនមានឱកាសស៊ុតបាល់ ១១ ម៉ែត្រ តែបាល់បែរជាហោះផុតបង្គោលទីទៅលើ ភ្លាមនោះកីឡាកររបស់ក្រុមម្ខាងទៀតក៏បានស្រែកអបអរក្រោយ Higuain ខកខានការស៊ុត នរណាទៅដឹងស្រាប់តែ Higuain ទប់មិនជាប់ ដើរទៅបំបុកស្មាគេមួយទំហឹង នាំឲ្យមានការប៉ះទង្គិចយ៉ាងក្តៅគគុកថែមទៀតផង៕
ទស្សនាវីដេអូខាងក្រោម៖
Higuain horribly missed a penalty on his MLS debut 😳
But how's the celebrating in his face? 👎pic.twitter.com/OgNll3940L
— GOAL (@goal) September 28, 2020