Gabriel Jesus គឺជាកីឡាករចុងក្រោយរបស់ក្រុម Manchester City ដែលបានរងរបួស និងធ្វើឱ្យក្រុមនេះលែងមានខ្សែប្រយុទ្ធជម្រើសដំបូងសម្រាប់លេងទៀតហើយ។
បញ្ហាកីឡាកររបួសច្រើននាក់ជាបន្ដបន្ទាប់នេះ បានធ្វើឱ្យលោក Pep មានកង្វល់ជាខ្លាំង ព្រោះអីប៉ះក្រុម Leicester City នៅចុងសប្ដាហ៍នេះ គឺជាការប្រកួតតឹងតែងមួយ។ Jesus ជាកីឡាករចុងក្រោយក្នុងក្រុមដែលបានរងរបួសក្រោយប្រកួតជាមួយក្រុម Wolves ហើយ។ ដូច្នេះគិតត្រឹមពេលនេះ កីឡាករឈុតធំរបស់លោក Pep នៅសល់គ្នាត្រឹមតែ១៣នាក់ប៉ុណ្ណោះ។ លោក ត្រូវយកកីឡាករយុវជនជាច្រើននាក់មកដាក់លេងវិញ។
កីឡាករដែលរបួសទាំងអស់រួមមាន Sergio Aguero, Bernardo Silva, Joao Cancelo, Aleks Zinchenko, Nicolas Otamendi និង Jesus ។ ដោយឡែក Gundogan វិញ កំពុងដាក់នៅដោយឡែក ព្រោះរកឃើញថាមានផ្ទុកមេរោគ Covid-19 ៕
ប្រភព៖ DailyMail