ខ្សែប្រយុទ្ធចំណូលថ្មី Kai Havertz នៅយប់មិញនេះលេងបានយ៉ាងល្អ ដោយបានជួយក្រុម Chelsea យកឈ្នះលើក្រុម Barnsley ក្នុងលទ្ធផល ៦-០ ឯណោះក្នុងពាន Carabao Cup ។ក្រុម Chelsea លេងទល់ក្រុមខ្សោយនៅយប់មិញនេះ លត់មិនប្រណីទាល់តែសោះ។ Havertz ដែលជាខ្សែប្រយុទ្ធចំណូលថ្មី រកបានដល់ទៅ៣គ្រាប់ម្នាក់ឯងក្នុងការប្រកួតនេះ ខណៈដែល៣គ្រាប់ទៀតចេញពីជើងរបស់ Abraham , Barkley និង Giround។ ក្នុងការប្រកួតនេះដែរ លោក Lampard ដែលជាអ្នកចាត់ការក្រុម Chelsea ពេញចិត្តមែនទែនសម្រាប់ការប្រកួតមួយនេះ ជាពិសេសទម្រង់លេងរបស់កីឡាករ Kai Havertz តែម្ដង។
លោក Lampard បានអះអាងថាកីឡាករអាល្លឺម៉ង់នេះទើបចូលរួមជាមួយក្រុម និងមិនមានពេលគ្រប់គ្រាន់សម្រាប់ហាត់ជុំគ្នាឡើយ។ ដូច្នេះហើយ ទើបបានជារូបគេមិនអាចលេងបានល្អ តាមអ្វីដែលគ្រប់គ្នាចង់បាន។ យ៉ាងណាមិញ នៅរាត្រីនេះ ៣គ្រាប់ដែលរកបានគឺអាចឱ្យអ្នកគាំទ្រសប្បាយចិត្តហើយ៕
ប្រភព៖ DailyMail