ក្រុម PSG បានបរាជ័យជាលើកទី២ហើយនៅយប់មិញនេះ ដោយចាញ់ក្រុម Marseille ក្នុងលទ្ធផល ១-០ ហើយមានការឈ្លោះប្រកែកគ្នាយ៉ាងខ្លាំងនៅចុងម៉ោងផងដែរ។ក្រុម PSG បើករដូវកាលមកនេះ លេងមិនបានល្អឡើយ។ ប្រកួតទី១ កីឡាករអវត្តមានដោយសារមេរោគ Covid-19 ដល់ទៅ៦នាក់។ ស្របពេលប្រកួតទី២នៅយប់មិញនេះទៀត កីឡាករសំខាន់ៗមួយចំនួនដូចជា Neymar , Di Maria អាចចូលលេងវិញបានហើយ។ តែគួរឱ្យស្ដាយ លទ្ធផលនៅតែបរាជ័យដដែលនៅប្រកួតទី២នេះ។
មិនត្រឹមតែចាញ់ទេ ការប្រកួតទល់ក្រុម Marseille មានកីឡាករឈ្លោះប្រកែកគ្នាបានកាតក្រហមជាច្រើននាក់ផងដែរ។ ដោយក្នុងការឈ្លោះគ្នានោះ Neymar អះអាងថាកីឡាករក្រុម Marseille បានប្រើពាក្យសម្ដីមិនសមរម្យនិងមានការរើសអើងពូជសាសន៍ផងដែរ៕