កីឡាករ James Rodriguez ទើបតែសម្រេចការផ្ទេរមកក្លឹប Everton នៅប៉ុន្មានម៉ោងមុននេះ ជាមួយតម្លៃខ្លួន ២២,៤០ លានអឺរ៉ូ លើកុងត្រាឈរជើងរយៈពេល ២ ឆ្នាំ និងជម្រើសបន្ត ១ ឆ្នាំ។
ប្រាប់ទៅកាន់គេហទំព័រផ្លូវការរបស់ក្លឹប Everton កីឡាករកូឡុំប៊ីបាននិយាយថា វត្តមានរបស់ Carlo Ancelotti ជាហេតុផលដ៏ធំដែលជំរុញឲ្យលោកផ្ទេរមកក្លឹបនៅអង់គ្លេស។
ខ្សែបម្រើវ័យ ២៩ ឆ្នាំនិយាយ៖ “ខ្ញុំពិតជារីករាយខ្លាំងក្នុងការឈរជើងនៅក្លឹបដ៏ល្អ អមនឹងប្រវត្តិសាស្រ្តដ៏ច្រើនមួយនេះ ហើយជាពិសេសគឺនៅជាមួយអ្នកចាត់ការដែលដឹងពីខ្ញុំច្បាស់បំផុតថែមទៀត”។
លោកបន្ថែម៖ “អារម្មណ៍របស់ខ្ញុំហាក់ទទួលបានការអូសទាយជាមួយ Carlo និងក្រុមការងាររបស់គាត់ ដោយយើងអាចសម្រេចជោគជ័យធំ ហើយហេតុផលដ៏ធំមួយដែលខ្ញុំចុះហត្ថលេខា គឺដោយសារវត្តមានរបស់លោក Carlo Ancelotti ព្រោះខ្ញុំធ្លាប់រីករាយការលេងជាមួយគាត់នៅក្លឹបចាស់ ២ រួចមកហើយ”៕ ប្រភព៖ AF