ខ្សែប្រយុទ្ធ Cristiano Ronaldo ប្រហែលជាមិនអាចជួយក្រុមជម្រើសជាតិព័រទុយហ្គាល់ក្នុងពានរង្វាន់ UEFA Nations League បានទេ ក្រោយពីរងរបួសជើងខាងស្ដាំ។
ប្រធានក្រុមខាងលើនេះ គ្រោងដឹកនាំក្រុមជម្រើសជាតិព័រទុយហ្គាល់ប្រកួតទល់ក្រុមក្រូអាតនិងស៊ុយអែតនៅប៉ុន្មានថ្ងៃខាងមុខនេះ ក្នុងពានរង្វាន់ Nations League ។ តែបច្ចុប្បន្នក្រោយពីមានរបួសជើងខាងស្ដាំដែលត្រូវការព្យាបាលមក រូបគេទំនងជាត្រូវដកចេញពីក្រុមជម្រើសជាតិហើយ។ ការរងរបួសនេះ គឺកើតឡើងអំឡុងពេលហ្វឹកហាត់ ហើយម្សិលមិញនេះរូបគេក៏មិនមានវត្តមានក្នុងពេលហាត់នៅជម្រើសជាតិដែរ។
ការមិនប្រថុយលេងនៅជម្រើសជាតិនេះដែរ គឺដោយសារតែខ្សែប្រយុទ្ធវ័យ៣៥ឆ្នាំនេះត្រូវធានាឱ្យបានក្នុងការបង្ហាញវត្តមានបើកឆាកលីគ Serie A ឱ្យក្រុម Juventus នៅថ្ងៃទី២០ខែកញ្ញាឆ្នាំ២០២០ខាងមុខនេះ។ ក្រុមដឹកនាំដោយលោក Andrea Pirlo នេះ នឹងប៉ះក្រុម Sampdoria៕ប្រភព Dailymail
