ខ្សែប្រយុទ្ធ Antoine Griezmann សង្ឃឹមថាមិត្តរួមក្រុម Lionel Messi ផ្លាស់ប្ដូរចិត្តបន្ដលេងនៅក្រុម FC Barcelona ទៀត សម្រាប់រដូវកាលថ្មីខាងមុខនេះ។
បើទោះជាប្រធានក្លឹបនិងឪពុករបស់ Messi ប្រជុំចរចាគ្នាកាលពីម្សិលមិញនេះ ប៉ុន្តែនៅមិនទាន់មានសញ្ញាឬលក្ខខណ្ឌអ្វីមួយកើតឡើងឡើយ។ Messi នៅតែអវត្តមានពីទីលានហ្វឹកហាត់ដដែល និងបន្ដចិត្តចង់ចាកចេញទៀត។ តែបើទោះជាយ៉ាងនេះក្ដី ក្រុម Barcelona បញ្ជាក់ថាពួកគេមានសង្ឃឹមច្រើនអាចបញ្ចុះបញ្ចូលឱ្យកីឡាករអាហ្សង់ទីននេះបន្ដលេងនៅអេស្ប៉ាញបាន។
ក្នុងនោះដែរ Griezmann មិត្តរួមក្រុមរបស់ Messi ក៏បាននិយាយដែរថា៖ “យើងសង្ឃឹមថាគាត់នឹងបន្ដនៅទីនេះទៀត។ យើងស្ដាប់រឿងរ៉ាវខ្លះៗ ប៉ុន្តែយើងមិនបានដឹងច្រើននោះទេ”។ រំលឹកថា Griezmann អតីតកីឡាករ Atletico Madrid នេះ ស្ថិតក្នុងគម្រោងប្រើប្រាស់របស់អ្នកចាត់ការ Ronald Koeman ផ្ទាល់តែម្ដង។ ដូច្នេះនៅរដូវកាលថ្មីខាងមុខនេះ រូបគេនឹងក្លាយជាតួអង្គសំខាន់ក្នុងក្រុម FC Barcelona មិនខាន៕ប្រភព Dailymail
