ក្លឹប PSG បានប្រកាសថាកីឡាកររបស់ខ្លួន៣នាក់ទៀត បានរកឃើញថាឆ្លងមេរោគ Covid-19 សរុបជារួមមកពេលនេះមានដល់៦នាក់ហើយ។
កាលពីប៉ុន្មានថ្ងៃមុននោះ ក្រុម PSG បានប្រកាសកីឡាករ៣នាក់ឆ្លងមេរោគ Covid-19 ទៅហើយមានទាំង Neymar និង Di Maria ផងដែរ។ ក្រោយពីបន្ដហ្វឹកហាត់បានបន្តិច ពេលនេះក្រុមយក្សបារាំងបានប្រកាសជាថ្មីទៀតថាមានកីឡាករ៣នាក់បន្ថែមទៀតហើយដែលរកឃើញថាមានផ្ទុកមេរោគ Covid-19 ។
កត្ដារកឃើញកីឡាករផ្ទុកមេរោគកាន់តែច្រើននេះ បានធ្វើឱ្យក្រុម PSG ស្ទាក់ស្ទើរមែនទែនក្នុងការប្រកួតលីគបារាំងឡើងវិញ។ ខណៈដែលការប្រកួតកន្លងទៅ ក៏មានក្រុមខ្លះត្រូវផ្អាកសិនដែរ ក្រោយរកឃើញកីឡាករមានផ្ទុកមេរោគដូច្នេះ។ រំលឹកថា PSG ត្រូវប្រកួតប៉ះក្រុម Racing នៅថ្ងៃទី១០ខែកញ្ញាឆ្នាំ២០២០ខាងមុខនេះហើយ៕ប្រភព Bbc
