ប្រធានក្រុមហង្សក្រហម Liverpool កីឡាករ Virgil van Dijk បាននិយាយស្វាគមន៍យ៉ាងកក់ក្តៅ ទុកជាមុន សម្រាប់ត្រៀមមកដល់របស់ខ្សែបម្រើ Donny van de Beek ជាមួយក្លឹបបិសាចក្រហម Manchester United។
van de Beek ល្ហៀងៗថាគ្រោងនឹងចាកចេញពី Ajax ផ្ទេរមកទឹកដី Old Trafford នៅតម្លៃខ្លួន ៤៥ លានអឺរ៉ូ។
ជជែកអំពីរឿងរ៉ាវនេះ កីឡាកររួមសញ្ជាតិហូឡង់ដូចគ្នា Van Dijk និយាយ៖ “តើខ្ញុំព្យាយាមផ្លាស់ប្តូរការគិតរបស់ Van de Beek [អំពីការផ្ទេរទៅ Man Utd] ឬអត់? ចម្លើយគឺអត់ទេ ប្រសិនវាកើតឡើងមែន ខ្ញុំផ្តល់អារម្មណ៍ស្វាគមន៍គេយ៉ាងកក់ក្តៅជាទីបំផុត”។
លោកបន្ថែមថា៖ “វាជារឿងល្អសម្រាប់គេ និងសម្រាប់បាល់ទាត់ហូឡង់ ក៏ដូចជាជម្រើសជាតិទាំងមូល ដោយមិនខុសពីរឿងរ៉ាវ Nathan Ake ដែលទើបតែផ្ទេរទៅ Man City អ៊ីចឹងដែរ”៕ ប្រភព៖ Sportskeeda