ក្រុមកាំភ្លើងធំ Arsenal បានសម្រេចការខ្ចីជើងខ្សែបម្រើ Dani Ceballos ពីក្រុម Real Madrid បានមួយរដូវកាលទៀតហើយ ។
កាលពីរដូវកាលមុន ក្រុមរបស់លោក Arteta ក៏បានខ្ចីជើងកីឡាករ Ceballos ដែរ ហើយរូបគេទើបត្រលប់ទៅចូលរួមហ្វឹកហាត់ជាមួយក្រុម Real Madrid វិញបាន១ថ្ងៃប៉ុណ្ណោះ។ យ៉ាងណាមិញ ក្រោយពីការចរចាខ្ចីជើង១រដូវកាលទៀតបានជោគជ័យ ដូច្នេះរូបគេនឹងត្រូវត្រលប់មកអង់គ្លេសវិញ ដើម្បីហាត់ជាមួយក្រុម Arsenal ត្រៀមរដូវកាលថ្មីខាងមុខ។
Ceballos រដូវកាលមុនលេងបាន៣៧ប្រកួតឱ្យក្រុមកាំភ្លើងធំ និងជួយក្រុមឱ្យមានទម្រង់លេងយ៉ាងល្អ ឈ្នះពានរង្វាន់ FA Cup ។ រូបគេជាកីឡាករទី៣ហើយដែលត្រូវក្រុម Real Madrid ដាក់ឱ្យគេខ្ចីជើងបន្ទាប់ពី Reinier ទៅ Dortmund និង Takefusa Kubo ទៅលេងនៅក្រុម Villarreal ៕ប្រភព Marca
