កាលពីយប់មិញនេះ ក្រុមបាល់ទាត់នារី Lyon បានយកឈ្នះទៅលើ Wolfsburg ៣-១ នៅឯកីឡដ្ឋាន San Sebastian ក្នុងប្រទេសអេស្ប៉ាញ និងលើកពាន UEFA Champions League ជាផ្លូវការ។
គិតក្នុងប្រវត្តិសាស្ត្រក្លឹប Lyon ឈ្នះពានអឺរ៉ុបមួយចំនួន ៧ លើកហើយ ដោយច្រើនជាងក្រុមណាៗទាំងអស់។ អ្វីដែលអស្ចារ្យទៅទៀតនោះ ពួកគេបានឈ្នះ ៥ រដូវកាលជាប់គ្នា រាប់ចាប់ពីរដូវកាល ២០១៥/១៦ រៀងមក រុញឲ្យតាមស្មើកំណត់ត្រានៃក្រុមបាល់ទាត់បុរស Real Madrid ធ្លាប់ធ្វើបានដូចគ្នាកំឡុងទសវត្សឆ្នាំ ១៩៥០-៦០។
បញ្ជាក់ថាការប្រកួតបើករដូវកាលថ្មីនៃលីគកំពូលបារាំង Division 1 Feminineផ្នែកបាល់ទាត់នារី នឹងប្រព្រឹត្តិឡើងនៅចុងសប្តាហ៍នេះ ពោលចន្លោះថ្ងៃទី ៥-៦ កញ្ញាតទៅ៕ ប្រភព៖ AF