លោក Jose Mourinho កំពុងរៀនភាសាកូរ៉េខាងត្បូង ក៏ដូចជាស្វែងយល់ពីវប្បធម៌របស់ប្រទេសនេះផងដែរ ដើម្បីងាយស្រួលដឹកនាំក្រុម ជាពិសេសនិយាយជាមួយ Son Heung min ។
អ្នកចាត់ការល្បីឈ្មោះខាងលើនេះ និយាយបាន៦ភាសារួចមកហើយ គឺព័រទុយហ្គាល់ អេស្ប៉ាញ កាតាឡាន់ អង់គ្លេស បារាំង និងអ៊ីតាលី។ ដោយឡែកនៅពេលនេះ លោកកំពុងរៀនភាសាកូរ៉េថែមមួយមុខទៀត ដើម្បីងាយស្រួលក្នុងការទំនាក់ទំនងជាមួយខ្សែប្រយុទ្ធ Son ដែលកំពុងក្លាយជាកីឡាករស្នូលម្នាក់របស់ក្រុម Spurs ។
លោក Jose បាននិយាយបែបនេះថា៖ “ការទំនាក់ទំនងពិតជាសំខាន់ណាស់ ពេលយើងនៅក្រុមច្រើននាក់ ខ្ញុំត្រូវនិយាយភាសាដើមដែលគ្រប់គ្នាអាចយល់បាន។ វាជារឿងគួរឱ្យគោរពណាស់នៅក្នុងក្លឹប នៅពេលយើងនិយាយទល់មុខគ្នាម្នាក់ទល់ម្នាក់ បើយើងអាចប្រើភាសារួមមួយបាន។ នៅពេលខ្ញុំនៅជាមួយកីឡាករណាម្នាក់ ខ្ញុំចង់និយាយភាសារបស់កីឡាករនោះ ដើម្បីងាយស្រួលយល់ពីគ្នា។ នេះជាហេតុផលខ្ញុំរៀនភាសាកូរ៉េ”៕ប្រភព Dailymail
