តាមរបាយការណ៍ពី Gazzetta dello Sport បានចុះផ្សាយថាក្លឹប Real Madrid កំពុងសម្លឹងចង់នាំយក Edinson Cavani មកចូលរួមនៅទឹកដី Bernabeu ប្រសិនណាក្លឹបអាចលក់ចេញកីឡាករ Luka Jovic និង Mariano Diaz។
នៅតំបន់ប្រយុទ្ធរបស់ស្តេចសកំពុងគរជើងច្រើន ហើយកីឡាករខ្លះហាក់លែងមានតម្លៃសម្រាប់ក្លឹបតែម្តង អ៊ីចឹងការលក់ចេញជាជម្រើសល្អ ជាជាងការខាតបង់លើខ្ទង់ចំណាយថ្លៃពលកម្ម។
ដោយឡែកសម្រាប់ Cavani ពេលនេះជាកីឡាករឥតតម្លៃខ្លួនលើទីផ្សារដោះដូរ និងរង់ចាំតែការចរចាត្រូវរ៉ូវថ្លៃពលកម្ម និងកុងត្រាជាមួយក្លឹបណាមួយតែប៉ុណ្ណោះ។
បញ្ជាក់ថា Cavani នៅតែជាបេក្ខភាពដែលមានគុណភាពមួយរូប នៅតំបន់ប្រយុទ្ធដោយកាលនៅ PSG រដូវកាល ២០១៩/២០ គេរកបាន ៧ គ្រាប់និង Assist ៣ លើកនៅ ២២ ប្រកួត៕
ប្រភព៖ Sportsmole