B/R Football ដែលជាទំព័រព័ត៌មានបាល់ទាត់ដ៏ល្បីឈ្មោះមួយ កាលពីថ្ងៃទី ២៤ សីហាកន្លងទៅនេះ បានប្រកាសដាក់សំណើទៅកាន់គេហទំព័រ Change.org (ជាគេហទំព័រដាក់ញត្តិទាមទារឲ្យមានការកែប្រែរឿងអ្វីមួយ) ពាក់ព័ន្ធនឹងការចង់បានព្រឹត្តិការណ៍ Ballon d’Or នៅឆ្នាំ ២០២០ នេះឡើងវិញ។
សរសេរត្រួសៗក្នុងញត្តិដែលប្រមូលផ្តុំដោយអ្នកគាំទ្រ បានចូលរួមជិត ១៥ មុឺននាក់ត្រឹមរយៈពេល ១ ថ្ងៃនោះ BR/Football បានបញ្ជាក់ថា៖ “ត្បិតឆ្នាំ ២០២០ ជាឆ្នាំដ៏លំបាកមួយសម្រាប់អ្នករាល់គ្នា ហើយការរំសាយចោលរបស់ France Football ក៏ជាបញ្ហាដែលពួកយើងយល់ផងដែរ ប៉ុន្តែចាប់តាំងពីបាល់ទាត់ត្រលប់មកវិញ គឺកីឡាករកំពូលទាំងអស់បានធ្វើឲ្យអ្នកគាំទ្រជុំវិញពិភពលោករីករាយនឹងការលេងរបស់ពួកគេជាខ្លាំង”។
ប្រភពសរសេរបន្ថែម៖ “Immobile ក្លាយជាអ្នកឈ្នះពានស្បែកជើងមាស ស្របពេលដែល Liverpool លើកពាន PL ខកខានអស់ ៣០ ឆ្នាំ ហើយ Neymar នាំ PSG ឡើងដល់វគ្គផ្តាច់ព្រ័ត្រ UCL ជាលើកដំបូង រីឯ Ronaldo/Messi បន្តការលេងដ៏ល្អរបស់ពួកគេនៅកម្រិតលើសអាយុ ៣០ ឆ្នាំ ហើយ Bayern Munich ទើបឈ្នះពាន UCL ជាមួយម៉ាស៊ីនស៊ុត Lewandowski និងជាពាន ៣ នៅមួយរដូវកាលទៀតផង”។
កីឡាករទាំងនេះសក្តិសមនឹងទទួលបានការឲ្យតម្លៃ អំពីអ្វីដែលពួកគេបានធ្វើក្នុងកំឡុងពេលវេលាដ៏លំបាកមួយនេះ៕
ប្រភព៖ Change.org