ខ្សែការពារ Thiago Silva កាន់តែកៀកមែនទែនហើយក្នុងការផ្លាស់ទៅលេងនៅក្រុម Chelsea ក្រោយពីអស់ភារកិច្ចជួយក្រុម PSG នៅ UEFA Champions League ។
ប្រធានក្រុម PSG ខាងលើលេងបានល្អដែរក្នុងការប្រកួតដែលចាញ់ក្រុម Bayern Munich ១-០ នៅយប់មិញនេះ។ កត្ដានេះហើយ កាន់តែធ្វើឱ្យតោខៀវពេញចិត្តថែមទៀត ក្នុងការនាំយកកីឡាករប្រេស៊ីលនេះទៅចូលរួមជាមួយក្រុមសម្រាប់រដូវកាលក្រោយ។ ដោយក្រុមរបស់លោក Lampard អាចផ្ដល់កុងត្រាឱ្យរូបគេដល់ទៅ២ឆ្នាំ ឯណោះ បើទោះជាវ័យដល់៣៥ឆ្នាំហើយក៏ដោយ។
លោក Lampard រដូវកាលដោះដូរកីឡាករនេះ មានប្រាក់ក្នុងដៃដល់ទៅ២០០លានផោនឯណោះដើម្បីទិញកីឡាករថ្មីចូល។ លោកចង់កែប្រែមុខមាត់ក្រុមឡើងវិញ ដោយគិតត្រឹមពេលនេះ ទិញបានកីឡាករល្អៗ២នាក់ហើយគឺ Timo Werner និង Hakim Ziyech ដែលសុទ្ធតែប្រយុទ្ធ។ ដូច្នេះខ្សែការពារ Silva ក៏ជាជម្រើសមួយសម្រាប់តោខៀវ ដើម្បីនាំទៅចូលរួមជាមួយក្រុមដែរ៕ប្រភព Dailymail
