ក្លឹប RB Leipzig បានពាំនាំនូវជោគជ័យយ៉ាងធំធេងរដូវកាល ២០១៩/២០ នេះ ក្រោយពីបំបាក់ Atletico Madrid ឆ្ពោះទៅកាន់វគ្គ ៤ ក្រុមចុងក្រោយ។
វាជាប្រវត្តិសាស្ត្ររបស់ក្លឹបដែលទើបតែបង្កើតថ្មី នៅឆ្នាំ ២០០៩ ហើយទើបបានរំកិលឡើងមកលេងនៅ Bundesliga នារដូវកាល ២០១៦/១៧។ អ្វីដែលមិនគួរឲ្យជឿ ក្រោមការដឹកនាំរបស់អ្នកចាត់ការវ័យក្មេងត្រឹមអាយុ ៣៣ ឆ្នាំ លោក Julian Nagelsmann បានបង្កើតកំណត់ត្រាមួយនេះឡើង។
លោកក្លាយជាអ្នកចាត់ការវ័យក្មេងបង្អស់នៅ UCL អាចដឹកនាំឲ្យក្រុមឆ្ពោះទៅកាន់វគ្គពាក់កណ្តាលផ្តាច់ព្រ័ត្រ។
រំឭកថាក្នុងឆ្នាំដែល Julian កើត ពោលគឺនៅឆ្នាំ ១៩៨៧ ជាឆ្នាំតែមួយដែលលោក Diego Simeone បានបោះជំហានក្នុងអាជីពបាល់ទាត់ ហើយការលើកឡើងនេះក៏ត្រូវបានសាយភាយខ្លាំងនៅលើបណ្តាញសង្គម Twitter នាព្រឹកថ្ងៃសុក្រផងដែរ៕
ប្រភព៖ SportBible