ក្រុម Spurs សម្រេចបានទិញយកខ្សែការពារ Pierre-Emile Hojbjerg ម្នាក់ហើយពីក្រុមSouthampton ដោយមានកុងត្រាដល់ទៅ៥ឆ្នាំឯណោះ។
កីឡាករវ័យ២៥ឆ្នាំនេះ នឹងទទួលបានអាវលេខ៥ក្នុងក្លឹប ហើយរូបគេក៏បានចូលរួមហ្វឹកហាត់ជាផ្លូវការហើយដែរ។ ដោយលេខ៥នេះ ជាលេខអាវចាស់របស់ខ្សែការពារ Jan Vertonghen ដែលទើបសម្រេចចាកចេញក្រោយចប់រដូវកាលនេះ។ Hojbjerg ជាកីឡាករមានបទពិសោធម្នាក់របស់ក្រុម Southamptonដោយរូបគេបានបង្ហាញខ្លួនជាង១០០ប្រកួតមកហើយ ក្នុងរយៈពេល៤ឆ្នាំមកនេះ។
អតីតកីឡាករ Bayern Munich ខាងលើនេះ បាននិយាយពេលចុះកុងត្រាថានេះជាក្ដីស្រមៃមួយសម្រាប់ខ្លួនគេ ដែលអាចលេងឱ្យក្លឹបធំដូច Spurs នេះបាន។ មួយវិញទៀត ក្រោមការដឹកនាំរបស់លោក Jose Mourinho ខ្សែការពារ Hojbjerg សង្ឃឹមថានឹងទទួលបានបទពិសោធច្រើនបន្ថែមទៀត៕ប្រភព Dailymail