ការរង់ចាំអស់រយៈពេលជាយូរ សម្រាប់ជំនួបនៃការវិលឡើងសង្វៀនលើកដំបូងរបស់ Mike Tyson ទីបំផុតត្រូវបានប្រកាសថាពន្យារពេលដល់ខែវិច្ឆិកាវិញហើយ ពោលគឺបន្ថែមពីពេលមុនដែលថានឹងបើកការតតាំងនៅទឹកដីអាមេរិកនាខែកញ្ញាខាងមុខនេះ។
Tyson ដាក់កាលបរិច្ឆេទដំបូង ត្រូវតតាំង Roy Jones Jr នៅថ្ងៃទី ១២ កញ្ញា ហើយបន្ទាប់ពីដំណឹងនេះលេចលឺ ក៏មានអ្នកគាំទ្រជាច្រើនហាក់សប្បាយចិត្តជាខ្លាំង ព្រោះខកខានមើល Tyson ឡើងសង្វៀនរយៈពេល ១៥ ឆ្នាំមកហើយ។
ប្រភពសារព័ត៌មានក្រៅស្រុកបានឲ្យដឹងថា កាលបរិច្ឆេទថ្មីទំនងធ្វើឡើងនៅថ្ងៃទី ២៨ វិច្ឆិកា។ ហេតុផលនៃការពន្យារពេលនេះ គឺផ្តួចផ្តើមឡើងពីក្រុមខាងលើ Mike Tyson ដែលមានគោលបំណងចង់បង្កើនប្រាក់ចំណូល ហើយក្រោយជជែកជាមួយភាគីខាងលោក Roy Jones ក៏មានការយល់ស្របផងដែរ។
បញ្ជាក់ថានេះជាការប្រកួតដែលប្រើប្រាស់រយៈពេល ៨ ទឹក ហើយក៏មានពាក់នូវឧបករណ៍ការពារក្បាលផងដែរ។ វានឹងក្លាយជាការប្រកួតដ៏ជក់ចិត្តមួយ ព្រោះទាំងសងខាងសុទ្ធតែជាខ្ញីចាស់មានអាយុច្រើនជាង ៥០ ឆ្នាំហើយនោះ៕
ប្រភព៖ GiveMeSports