ក្លឹបហង្សក្រហម Liverpool បានប្រកាសពីកិច្ចជោគជ័យលើការចុះហត្ថលេខាដំបូងបង្អស់ ប្រចាំរដូវកាល ២០២០/២១ នោះគឺការនាំយកខ្សែការពារKonstantinos Tsimikas ពីក្លឹប Olympiacos។
យុវជនវ័យ ២៤ ឆ្នាំ លេងនៅតំណែងការពារឆ្វេង បង្ហាញខ្លួន ៤៦ លើកនៅរដូវកាលចាស់ឲ្យក្លឹបក្នុងប្រទេសក្រិក ហើយពួកគេក៏ទើបតែឈ្នះពានលីគលើកទី ៤៥ ក្នុងប្រវត្តិសាស្ត្រផងដែរ។
ត្បិតមិនមានការប្រកាសពីតម្លៃផ្លូវការ តែប្រភពសារព័ត៌មានអង់គ្លេសប៉ាន់ប្រមាណថា Tsimikas ថ្លៃប្រមាន ១១,៧៥ លានផោនប៉ុណ្ណោះ។ ជាការចុះកុងត្រារយៈពេលយូរ ពោលគឺរយៈពេល ៥ ឆ្នាំឯណោះ៕
ប្រភព៖ TransferMarkt