នាវគ្គ ៨ ក្រុមចុងក្រោយ UCL ក្លឹបបារាំង Paris Saint-Germain នឹងហោះមកប្រកួតនៅទីក្រុង Lisbon ប្រទេសព័រទុយហ្គាល់ ហើយឆ្លៀតឱកាសនេះ ភ្នាក់ងាររត់ការរបស់កីឡាករ Cristiano Ronaldo គឺលោក Jorge Mendes ក៏នឹងឆ្លៀតចូលចរចាជាមួយនាយកជាន់ខ្ពស់របស់ក្លឹបបារាំងផងដែរ។
តាមរបាយការណ៍ពី Foot Mercato ចុះផ្សាយថា Mendes នឹងពិភាក្សាជាមួយ PSG អំពីលទ្ធភាពក្នុងការនាំយក CR7 ចេញពីទឹកដីអ៊ីតាលី បន្ទាប់ពី Juventus រងបរាជ័យក្រោមថ្វីជើង Lyon កាលពីពេលថ្មីៗ។
បញ្ជាក់ថាកន្លងមកក៏ល្ហៀងៗថា Ronaldo គិតចង់ចាកចេញទៅ PSG ដែរ ពោលតាំងពីដើមឆ្នាំ ២០២០ មុនផ្ទុះជំងឺរាតត្បាត COVID-19 មកម្ល៉េះ តែមួយរយៈក្រោយហាក់ស្ងប់ស្ងាត់ទៅវិញ ប៉ុន្តែដោយមើលឃើញពីបរាជ័យនៅ UCL លឿនពេកនេះថែមទៀត ទំនងរុញឲ្យការសម្រេចចិត្តរបស់ខ្សែប្រយុទ្ធវ័យ ៣៥ ឆ្នាំកាន់តែឆាបឆួលបន្ថែមហើយ។
រដូវកាល ២០១៩/២០ Ronaldo បាត់បង់ឱកាសឈ្នះពានជាមួយក្លឹប ទាំងនៅ Coppa Italia និង Suppercoppa Italiana ហើយនៅ UCL ធ្លាក់ត្រឹមវគ្គ ១៦ ក្រុម រីឯនៅ Serie A នាំមុខ Inter តែ ១ ពិន្ទុប៊ិះតែនឹងអត់ពានកាន់ថែមទៀត៕
ប្រភព៖ BeSoccer