Ole Gunnar Solskjaer បានប្រាប់ឥតលាក់លៀមថានៅ Man Utd ការជ្រើសរើសតំណែងអ្នកចាំទីដែលត្រូវចូលរួមការប្រកួតនីមួយៗ គឺជារឿងដែលពិបាកគិតបំផុតសម្រាប់លោក នោះក៏ដោយសារមានសុទ្ធសឹងតែជម្រើសល្អច្រើន។
United មានអ្នកចាំទី David de Gea, Sergio Romero និងអ្នកត្រៀមត្រលប់មកក្លឹបនាពេលបន្ទាប់នោះ គឺ Dean Henderson ហើយនិយាយពីសមត្ថភាពគឺសុទ្ធតែល្អទាំងបី។
ប្រាប់សារព័ត៌មាន Solskjaer ថា៖ “នៅផ្នែកអ្នកចាំទីយើងមានកីឡាករកំពូល ៣ រូប ហើយរដូវកាលនេះ Sergio ក៏បង្ហាញថាគេសំខាន់បែបណាសម្រាប់យើង ស្របពេលដែល David ក៏តែងតែធ្វើបានល្អ ហើយយើងមាន Dean Henderson ត្រៀមនឹងត្រលប់មកវិញទៀត”។
លោកសង្កត់ធ្ងន់៖ “វាជាការសម្រេចចិត្តដ៏ពិបាកបំផុតមួយ ប៉ុន្តែវាក៏ជាបញ្ហាប្រឈមដ៏ល្អមួយផងដែរ ហើយខ្ញុំគិតថាការប្រកួតប្រជែងដើម្បីតំណែងនេះវាជារឿងសំខាន់ ដោយខ្ញុំនឹងរង់ចាំមើលបន្តទៀត”៕
ប្រភព៖ Goal